“Табиблар һәр вәзгыятькә яраклаша белергә тиеш”
Июньнең өченче якшәмбесендә медицина хезмәткәрләре һөнәри бәйрәмнәрен билгеләп үтәләр.Табибларга, шәфкать туташларына, гомумән, ак халатлы шәфкать ияләренә мөрәҗәгать итмәгән кеше юктыр бу дөньяда. Чир дигәнең берәүгә дә сорап килми. Шуңа да күбесенә бәйрәм көнендә дә хезмәт урыннарында булырга туры килә. Саба үзәк хастаханәсе баш табибы Марат Йосыпов белән дә сүзне шуннан башладык.
